कार्तिक १०, २०८३ / 2026-10-25
काठमाडौं । नेपालको राष्ट्रियता, सार्वभौमिकता र अखण्डता धारापमा परेको राष्ट्रिय जनमोर्चाका अध्यक्ष चित्रबहादुर केसीले टिप्पणी गर्नुभएको छ ।
काठमाडौंमा आयोजित एक कार्यक्रममा केसीले भने "७० वर्ष देखि लडेर ल्याएको दलीय व्यवस्था, गणतन्त्र, धर्म निरपेक्षता सबै धरापमा परे, यसलाई संस्थागत गर्न चुनौति रहेको " उनले बताए ।
नेपाली जनताले आन्दोलनबाट राजतन्त्र हटाएपनि अहिले देशी विदेशी शक्तिहरु राजतन्त्र स्थापित गर्न लागि परेको पनि उनलेे बताए ।
नेपाल कम्युनिष्ट पार्टी (माओवादी केन्द्र)का नेता लिलामणि पोखरेलले अझैपनि क्रान्ति सफल नभएको बताए । क्रान्ति पुरा भएको भए देशमा राष्ट्रिय सार्वभौमिकता जगेर्ना भइसक्नु पर्ने तर अहिले सार्वभौमिकता नै धरापमा परेको बताए । कार्यक्रममा अखिल (छैठौं)ले आफ्ना पूर्वअध्यक्षहरुलाई सम्मान गरेको थियो । यस्तै नेपालको विद्यार्थी आन्दोलन, अखिल (छैठौं)को इतिहास नामको पुस्तक विमोचन पनि गरिएको थियो ।
