कार्तिक ९, २०८३ / 2026-10-24
काठमाडौं: केहि समय देखि निरन्तर ओरालो लागेको शेयर बजारमा आज (बुधवार) भने १०० अंकको उच्च बिन्दु हासिल गर्न सफल भएको छ ।
कारोबार सुरु भएको २ घण्टा १५ मिनेट भन्दा माथि जाँदा नेप्सेमा १०० अंक भन्दा माथि वृद्धि भएको छ । १ बजेर १८ मिनेटसम्म नेप्से परिसूचक १०५.२८ अंकले वृद्धि हुाँद २८१७.३५ अंकको बिन्दुमा पुगेको छ ।
सुरुवाति समयमा केही मिनेट उताचढाव देखिएर लगातार बढेको नेप्से पुनः लयमा गएको देखिन्छ । नेप्सेसँगै सबै उपसूचकमा हरीयाली छाएको छ ।
बजारलाई लिड गर्ने बैंकिङ उपसूचक ३.१४ प्रतिशतले वृद्धि हुँदा वित्त कम्पनी उपसूचक सर्वाधिक ८.१ प्रतिशत, विकास बैंक उपसूचक ७.७१ प्रतिशत र हाइड्रोपावर उपसूचक पनि करिब ६ प्रतिशतले बढेको छ ।
यो समाचार तयार गर्दै गर्दा नेप्सेमा करिब ६४ लाख ८८ हजार कित्ता सेयर कारोबार हुँदा साढे ३ अर्ब भन्दा माथिको कारोबार भएको छ । नेप्सेमा १८५ कम्पनीको सेयर कारोबार हुँदा सबै कम्पनीको सेयरमूल्य बढेको छ ।
