कार्तिक १०, २०८३ / 2026-10-25
काठमाडौंः प्रतिनिधि सभा विघटनविरुद्ध सर्वोच्च अदालतमा परेको रिटमाथि संवैधानिक इजलासमा जारी बहसमा एमिकस क्युरीको तर्फबाट राय दिँदै वरिष्ठ अधिवक्ता बद्रीबहादुर कार्कीले संविधान दुर्घटनामा परिसकेको धारणा व्यक्त गरेका छन् ।
संविधानको रक्षा गर्नुपर्ने राजनीतिक दलहरू नै आन्दोलनमा लागिरहेकाले संविधान रक्षा हुन नसकेको कार्कीले बताएका छन् । प्रतिनिधि सभा विघटन भइसकेको छ । संविधान जसले लागू गर्नुपर्ने थियो, उसैबाट हाम्रो संविधान दुर्घटनामा पर्यो । बाहिर मानिसहरू आफैं बोली रहेका छन् । यस्तो अवस्थामा इजलासमा बस्ने पाँच जना श्रीमानहरूले गर्ने निर्णय नै महत्त्वपूर्ण हुनेछ,’ उनले भने, ‘संविधानको रक्षा गर्नुपर्नेहरू आन्दोलनमा लागेका छन् । सविधानको दुर्घटना भएको स्वीकारेका छन् । हामीले संविधान जोगाउन नसकेको हो । अहिले अदालतको सहारा खोजिएको छ ।’
संविधान निर्माणका क्रममा चार राजनीतिक दलबीच १६ बुँदे सहमति नहुँदासम्म सहमति हुन नसकेको स्मरण गर्दै कार्कीले भने, ‘संविधानको धारा ७४ मा संसदीय प्रणाली बहुलवादमा आधारित हुने भन्ने छ । साथीहरूबाट आएका कुरो संसदीय भन्ने कुरोमा कुनै अल्मलिनुपर्ने कारण देख्दिनँ । कार्कीसहित विजयकान्त मैनाली, सतीशकृष्ण खरेल, पूर्णमान शाक्य र गीता पाठक एमिकस क्युरीको रुपमा बहस गर्दैछन् ।
