सर्वोच्च अदालतको फैसला भएसँगै हुनसक्ने सम्भावित घटना !

काठमाडौः सर्वोच्च अदालतले प्रतिनिधिसभा पुनःस्थापनाको निर्णय गरेसँगै देशभर नै नयाँ सरकार गठनसहितको प्रक्रियामा बढिरहेका छन । नेपाल प्रहरीले मुलुकभरमा हुनसक्ने सम्भावित घटनालाई विचार गर्दै उच्च सतर्कता अपनाइएको नेपाल प्रहरीका प्रवक्ता वसन्तबहादुर कुँवरले बताए ।

अहिलेको अवस्थामा सुरक्षा स्थिति सामान्य भएपनि भीडभाड तथा जुलुस निस्कन सक्ने क्षेत्रमा आवश्यक मात्रामा सुरक्षाकर्मी बढाइएको र शान्ति सुरक्षा कायम गर्न प्रहरीले विशेष ध्यान दिइरहेका छन । प्रधानमन्त्री केपी शर्मा ओलीले प्रतिनिधिसभा बैठक नै नबोलाउने त होइनन् भन्ने आशंकासमेत चिर्दै सर्वोच्च अदालतले १३ दिनभित्र बैठक बोलाए, जे पनि हुन सक्छ भन्ने कुरालाई ध्यानमा राखेर उच्च सतर्कता अपनाइएको छ । प्रहरी प्रवक्ताले भने, संवेदनशील क्षेत्रमा निगरानीसमेत बढाइएको छ।

ओलीले पदबाट राजीनामा गरेमा संविधानको धारा ७६ अन्तरगत नयाँ सरकार गठनको प्रक्रिया अघि बढ्छ । अदालतको आदेशलाई स्वीकार गर्ने बताउँदै आएका प्रधानमन्त्रीले सोही अनुसार मन्त्रिपरिषद् राखेर संसद् अधिवेशन आह्वानका लागि राष्ट्रपति समक्ष सिफारिस भएको थियो । मंगलबार फैसला भएसँगै  नेपाल प्रहरी र सशस्त्र प्रहरीले छुट्टाछुट्टै सुरक्षा योजना तयार पारेका छन । अहिले पनि सत्तारुढ नेकपा एउटै राजनीतिक दल भएकाले नयाँ संसदीय दलको नेता चयन गरेर राष्ट्रपति समक्ष प्रधानमन्त्रीको दाबी गर्न सक्नेछन् ।