कार्तिक ९, २०८३ / 2026-10-24
काठमाडौं ।प्रधानन्यायाधीश चोलेन्द्र शमसेर जबराविरुद्धको महाअभियोग प्रस्तावबारे सत्ता गठबन्धन भित्र छलफल नभएको जसपाले जानकारी दिएको छ ।
सत्ता गठबन्धनका तीन मुख्य घटक नेपाली कांग्रेस, नेकपा माओवादी केन्द्र र नेकपा एकीकृत समाजवादीले दर्ता गरेको प्रधानन्यायाधीश चोलेन्द्र शमसेर जबराविरुद्धको महाअभियोग प्रस्तावबारे कुनै छलफल नभएको जसपाले जनाएको हो
महाअभियोगमा सत्ता गठबन्धनकै जसपाका सांसदको हस्ताक्षर छैन । सत्ता गठबन्धनमा छलफल भएर महाअभियोग प्रस्ताव नआएको जसपा केन्द्रीय सदस्य विश्वदीप पाण्डेको भनाई छ । उनले पार्टीका शीर्ष नेतालाई पनि यसबारे जानकारी नरहेको दाबी गरेका छन ।
अध्यक्ष उपेन्द्र यादव र डा.बाबुराम भट्टराईलाई पनि जानकारी नभएको पाण्डेले बताएका छन् । जसपाले महाअभियोगबारे आफ्नो धारणा आधिकारिक रुपमा तय गर्न बाँकी रहेको उनले बताएका छन ।
