जेठ ३१, २०८३ / 2026-06-13
काठमाडौं । नेकपा माओवादी केन्द्रले अहिलेकै अवस्थामा एमसीसी संसदमा लगिए सरकारबाट बाहिरिने चेतावनी दिएको छ ।
आज बसेको संसदीय दलको बैठकले एमसीसी संसदमा लगिए सरकारबाट बाहिरिने निर्णय गरेको प्रमुख सचेतक देव गुरुङले जानकारी दिएका छन ।
“यथास्थितिमा पास गर्न सकिँदैन । जबर्जस्ती गरे विपक्षमा मतदान गर्छौँ,” उनले भने, “आफ्नो ढंगले अघि बढेमा गठबन्धन तोडिन्छ । गठबन्धन तोडिनु भनेको सरकारबाट बाहिरिनु हो ।”
“सदन सुचारु नहुँदासम्म अघि बढ्दैन । सदन सुचारु गर्न विपक्षीसँग आग्रह गर्ने निर्णय गरेका छौँ,” उनले भने, “सर्वदलीय सहमति नजुटेसम्म प्रक्रिया अघि बढ्न सक्दैन । कम्तिमा पनि सरकारमा रहेका दलहरुबीच सहमति हुनुपर्छ । सहमतिबिना गरिए गठबन्धनमा रहने र सरकारमा रहने कुरा हुँदैन । पाँच दलको सहमतिबिना सरकारको निर्णय हुन सक्दैन ।”
