कार्तिक ११, २०८३ / 2026-10-26
काठमाडौँ । मिलेनियम च्यालेन्ज कम्प्याक्ट ९एमसीसी०को विरोधमा उत्रिएका प्रदर्शनकारी र प्रहरीबीच झडप भएको छ ।
आजको संसद बैठकमा एमसीसीमाथि छलफल हुने भएपछि प्रदर्शनकारी र प्रहरीबीच तनाव बढेको हो । प्रदर्शनकारीले प्रहरीमाथि ढुंगा हानेका छन् । प्रहरीले पनि अश्रुग्यास, पानीको फोहोरा र लाठी चार्ज गरेको छ ।
बानेश्वर क्षेत्रमा रोड खाली गरेर प्रहरीले ब्यारिकेड राखेको छ । प्रदर्शनकारीले निषेधित क्षेत्र तोड्ने प्रयास गरिरहेका छन् । एमसीसीको विरोधमा नेकपा माओवादी केन्द्र, एकीकृत समाजवादी, नेपाली कांग्रेस (बीपी) लगायतले प्रदर्शन गरिरहेका छन् ।
सशस्त्र र जनपद प्रहरी बानेश्वर क्षेत्रमा परिचालित छन् । संसद भवनको सुरक्षालाई ध्यानमा राखेर बुधवार नै कम्पाण्डमा काँडेतार लगाइएको छ ।
माइतीघर मण्डलादेखि तीनकुनेसम्म व्यापक मात्रामा प्रहरी परिचालन गरिएको छ ।
