बैशाख १३, २०८३ / 2026-04-25
काठमाडौँ । नेकपा (एकीकृत समाजवादी)का सम्मानित नेता तथा पूर्व प्रधानमन्त्री झलनाथ खनालले एमसीसीको व्याख्यात्मक घोषणा भनेको ‘न्यानो थाङ्नो’ मात्रै भएको टिप्पणी गरेका छन् ।
बुधवार विराटनगर विमानस्थलमा सञ्चारकर्मीहरूसँग कुरा गर्दै नेता खनालले व्याख्यात्मक टिप्पणी भनेको नेपालका नेताहरूलाई आनन्दपूर्वक सुतुन् भनेर बनाइएको एउटा न्यानो थाङ्नो मात्रै भएकोे टिप्पणी गरेका हुन् ।
२७५ सांसदलाई हेरेको हेर्यै पारेर जबरजस्ती एमसीसी पास गरेको उनको आरोप थियो । खनाले भने ‘यो नेपालको इतिहासमा दुःखद लज्जाजनक कुरा हो, न छलफल गर्ने वातावरण बन्यो, सांसदहरूलाई हेरेको हेर्यै पारेर जबरजस्ती माथिबाट पेलेर पास गरियो । त्यहाँभित्र अनेकौँ राष्ट्रघाती कुरा भए पनि अहिले एउटा सिकाको सुतारीसमेत सुधारिएको छैन ।’
एमसीसी संसदबाट पास गर्दासमेत प्रक्रिया नपुगेको उनको भनाइ छ ।
