बैशाख १३, २०८३ / 2026-04-25
काठमाडौं । नेपाली कांग्रेसको भ्रातृ संस्थाको विधान टुंग्याउनको लागि कांग्रेस पदाधिकारी बैठक पार्टी कार्यालय सानेपामा जारी छ ।
तर पदाधिकारी बैठकमा कांग्रेस सभापति शेरबहादुर देउवा भने अनुपस्थित रहेका छन् । पदाधिकारीको बैठकले हालसम्म दलित संघको विधान टुंग्याएको छ ।
बैठकमा किसान संघ, महिला संघ, प्रजातान्त्रिक सेनानी संघ र सांस्कृतिक संघको विधानबारे छलफल भइरहेको महामन्त्री विश्वप्रकाश शर्माले जानकारी दिएका छन । उनका अनुसार बाँकी रहेका भ्रातृ संस्थाको विधान दुई – तीन दिनमा टुंगिनेछ ।
बैठकमा उपसभापतिद्वय पूर्णबहादुर खड्का र धनराज गुरुङ, महामन्त्रीद्वय गगन थापा र विश्वप्रकाश शर्मा सहभागी छन् । आठ सह–महामन्त्रीमध्ये उमाकान्त चौधरी भने सहभागी छैनन् ।
