कार्तिक ११, २०८३ / 2026-10-26
काठमाडौँ : प्रमुख प्रतिपक्षी दल नेकपा एमालेका अध्यक्ष केपी शर्मा ओलीले स्थानीय तहको निर्वाचनको मतपत्रमा दलका चुनाव चिह्न हरियो रंगको राख्ने निर्वाचन आयोगको निर्णयप्रति आपत्ति प्रकट गरेका छन ।
ओलीले मतपत्रका चिह्न हरियो राख्ने निर्णय आयोगले सच्याउनुपर्ने बताएका हुन् । ओलीले भने,‘मैले समाचार पढें, निर्वाचन आयोगले मतपत्रका चिह्नमा हरियो राख्ने रे, हरियो चिह्न किन राख्ने । निर्वाचन आयोगसँग कुरा गर्न पाएको छैन । यदि हो भने कुन हिसाबले राख्ने ? धार्मिक हिसाबले राख्ने हो ? कसैको हरियो देखिने चिह्न छ त्यसैले राख्ने ? आँखा नदेख्नेले रुखैरुख देख्छ भनेर हो ?,’ ‘निर्वाचन आयोगले सच्याउनुपर्छ हरियो सरियो हुँदैन ।’
आयोगले स्थानीय तहको निर्वाचनको मतपत्रको चिह्न हरियो रंगको राख्ने निर्णय सोमवार गरेको थियो ।
