कार्तिक ९, २०८३ / 2026-10-24
काठमाडौँ । शहरी विकास मन्त्री रामकुमारी झाँक्रीले शहरी विकास मन्त्रालयले परिमार्ज गर्ने नीतिमा सबैको स्वामित्व हुने बताएकी छन् ।
शहरी विकास मन्त्रालयको ओयोजनामा नेपालगञ्जमा सम्पन्न राष्ट्रिय शहरी नीति, शहरी विकास ऐन र युटिलिटी कोरिडोर सम्बन्धी एक दिने कार्यशालामा बोल्दै मन्त्री झाँक्रीले सातै प्रदेशमा नीतिगत विषयमा मन्त्रालयले छलफल गरिरहेको भन्दै सबैको स्वामित्व हुने बताएकी हुन् ।
‘हामीले गरेका कामले कोही रिसाउँदैमा फरक पर्दैन । नीति निर्माण र कार्यान्वयनमा हिच्किचाउनु हुँदैन । हामीले सबैसाँग छलफल गरिरहेका छौैँ । यसमा सबैको स्वामित्व हुन्छ ’ झाँक्रीले भनिन् ।
उनले कार्यक्रममा सरोकारवाला निकायको न्यून उपस्थितिप्रति असन्तुष्टि व्यक्त गर्दै स्थानीय तहमा समन्वय नई चिन्तनको समस्या रहेको बताएकी छन् ।
यस्तै कार्यक्रममा बोल्दै शहरी विकास सचिव मणिराम गेलालले सरोकारवालासँगै छलफल गरेर नयाँ नीतिमा सबैको अपनत्वले कार्यान्वयनमा सहज हुने बताएका छन् । उनले भने,‘सरकारवालासँगै बसेर राय सल्लाह र गुनासो सुनेर नयाँ नीति निर्माणमा जोड दिनुपर्छ भन्ने उद्देश्यले नै कार्यक्रम आयोजना गरेको हौँ ।’
