कार्तिक ९, २०८३ / 2026-10-24
काठमाडौं । नेकपा माओवादी केन्द्र र जनता समाजवादी पार्टी (जसपा) का नेताहरुबीच सत्ता सहकार्यका लागि भेटवार्ता भएको छ । दुवै दलका नेताहरूबीच तीव्र छलफल भएका छन् ।
जसपाका अध्यक्ष महन्थ ठाकुर र वरिष्ठ नेता राजेन्द्र महतो माओवादी केन्द्रका अध्यक्ष पुष्पकमल दाहालसहितका नेताहरुसँग भेटवार्ता गर्न पेरिसडाँडा पुगेका थिए।
यसअघि पनि दाहालले जसपाका नेताहरुसँग छलफल गरिसकेका छन्। मंगलबारमात्रै नेकपा माओवादी केन्द्रका अध्यक्ष पुष्पकमल दाहालले नेपाली कांग्रेसका सभापति शेरबहादुर देउवा र जसपाकै संघीय परिषद्का अध्यक्ष डा. बाबुराम भट्टराईसँग भेट गरेका थिए।
बुधबार नै जसपाका नेता र एमालेका नेताहरूबीच पनि छलफल भएको थियो। राजनीतिक दलहरुले छलफल तीव्र पारे पनि अझै सत्ता सहकार्य गर्ने विषयमा निष्कर्षमा पुगिसकेका छैनन्।
