कार्तिक ११, २०८३ / 2026-10-26
काठमाडौं । नेकपा एमालेको माधव नेपाल समूहका राष्ट्रिय कार्यकर्ता भेला आजदेखि सुरु हुन् लागेको हो ।
वरिष्ठ नेता माधवकुमार नेपालले पार्टीको अवस्था तथा हालसम्म भएका गतिविधि समेटिएको प्रतिवेदन पेस गर्न ललितपुरको सानेपास्थित हेरिटेज ब्याक्वेटमा आज र भोलि आयोजना हुने जनाएको छ ।
कार्यकर्ता भेलामा देशभरका २ हजार भन्दा बढी नेता कार्यकर्ता सहभागी हुने एमालेका नेता योगेश भट्टराईले बताए । साथै माधव नेपाल समूहले एमाले सर्वोच्च अदालतको फैसलाबाट पुनःस्थापित भएकाले माओवादीसँग एकीकरणअघिकै संरचनामा पार्टी फर्किनुपर्ने बताएको छ ।
यसैबीच अध्यक्ष केपी शर्मा ओली र महासचिव ईश्वर पोखरेलले आजको भेलामा सहभागी नहुन कार्यकर्तालाई आह्वान गरेका छन् । भेला आयोजना गर्ने र सहभागी हुनेमाथि कारवाही गरिने चेतावनी समेत महासचिव पोखरेलले विज्ञप्तिमार्फत दिएका छन् ।
संस्थापन समूहले फागुन २८ गते विशेष केन्द्रीय कमिटी बैठकबाट गरेका निर्णय नमान्ने अडान नेपाल समूहको छ ।यसबीचमा दुवै समूहबीच वार्ता भएपनि सोही विषयमा सहमति हुन सकेको छैन ।
