आषाढ ६, २०८३ / 2026-06-19
काठमाडौं । एमाले प्रवेश गरेको २४ घण्टा बित्न नपाउँदै धादिङको बेनिघाट रोराङ गाउँपालिकाका अध्यक्ष पित्त बहादुर डल्लाकोटी (हरि) पुनः माओवादी केन्द्रमै फर्किएका छन् ।
डल्लाकोटी (हरि)ले पार्टी अध्यक्ष प्रचण्डलाई समेत भेट गरिसकेका छन् । प्रचण्ड निवास खुमलटारमा पुगेर डल्लाकोटीले प्रचण्डलाई भेटेका हुन् । बुधबार भएको भेटका क्रममा डल्लाकोटीले केही मान्छेको परिबन्दमा परेर आफू बालकोट पुगेको बताएका छन् ।
डल्लाकोटीको भनाइ सुनेपछि प्रचण्डले अब काममा फर्किन निर्देशन दिएका थिए ।मल्लले भेटपछि भने ‘अध्यक्ष कमरेड प्रचण्डले गल्ती गरेँ भनिसक्नु भो। अब काममा फर्कनुस् भन्नुभयो । ’ सोमबार माओवादीबाट निर्वाचित डल्लाकोटी धादिङ एमालेका नेताहरुको साथ लागेर पार्टी प्रवेशका लागि बालकोट पुगेका थिए ।
