कार्तिक १०, २०८३ / 2026-10-25
काठमाडौं महानगरपालिकाका मेयर पदका स्वतन्त्र उम्मेदवार बालेन्द्र शाह (बालेन) १५ हजार बढी मतका साथ अग्र स्थानमा हुनुहुन्छ ।
आज (बुधबार) बिहानको ताजा मत परिणाम अनुसार शाहले १५ हजार ४ सय २ मत प्राप्त गर्नुभएको हो । त्यस्तै, नेकपा एमालेका उम्मेदवार केशव स्थापितले ८ हजार २ सय ८८ मत प्राप्त गर्नुभएको छ । नेपाली कांग्रेसकी उम्मेदवार सिर्जना सिंहले ७ हजार २ सय ९० प्राप्त गर्नुभएको छ ।
अहिलेसम्म ३९ हजार ५ सय २० मत गणना भइसकेको छ ।काठमाडौं महानगरपालिकामा अहिले वडा नम्बर ३, ४, ६, २९, ३०, ३१ र ३२ को मत गणना जारी रहेको छ ।
यस्तै, स्थानीय तह निर्वाचनअन्तर्गत अहिलेसम्म ४ सय १२ पालिकाको अन्तिम मत परिणाम सार्वजनिक भएको छ।
सार्वजनिक भएको परिणाममा नेपाली कांग्रेस १ सय ८८ वटा स्थानीय तह विजयी भएको छ। नेकपा एमाले १ सय१७ पालिकामा विजयी भएको छ । त्यस्तै नेकपा माओवादी केन्द्र ८३ पालिकामा विजयी भएको छ। एकीकृत समाजवादी ७ ठाउँमा विजयी हुँदा जनता समाजवादी पार्टीले ५ वटा पालिका विजयी भएकाे छ।
त्यस्तै राष्ट्रिय प्रजातन्त्र पार्टीले २ वटा पालिका विजयी भएकाे छ। अन्य १० स्थानमा स्वतन्त्र तथा अन्य दलहरुले विजयी भएका छन् । हाल मतगणना जारी रहेका ठाउँहरुमध्ये १ सय २९ ठाउँमा कांग्रेस अगाडि छ भने ८३ ठाउँमा एमाले तथा ३३ ठाउँमा माओवादी केन्द्र अगाडि रहेकाे छ। ३० ठाउँमा जसपा, १६ ठाउँमा एकिकृत समाजवादी, १० ठाउँमा लोसपा तथा १६ ठाउँमा अन्य उम्मेदवारहरु अगाडि रहेका छन्।
