कार्तिक १०, २०८३ / 2026-10-25
विराटनगर महानगरपालिकाको मेयरमा नेपाली कांग्रेसका नागेश कोईराला निर्वाचित भएका छन् । कोईरालाले मेयरमा एमाले उम्मेदवार सागर थापालाई ८ हजार ७१५ मतले पराजित गरेका हुन् ।
मुख्य निर्वाचन अधिकृतको कार्यालयले सार्बजनिक गरेको अन्तिम मत परिणाम अनुसार मेयरमा कोईरालाले ३०१७० मत ल्याउँदा नेकपा एमालेका सागरकुमार थापाले २१ हजार ४५५ मत मात्र ल्याउन सके ।
उप मेयरमा भने एमालेकी शिल्पा कार्की २५ हजार ६३० मत ल्याएर निर्वाचित भईन् । गठबन्धनका तर्फबाट उपमेयरका उम्मेदवार रहेका जसपाका अमरेन्द्र यादवले १४ हजार २१९ मत मात्र ल्याउन सके । उनी जसपाका अध्यक्ष उपेन्द्र यादवका छोरा हुन् ।
जसपा परित्याग गरेर मेयरमा स्वतन्त्र उम्मेदवारी दिएका उमेश यादवले ८ हजार ७९५ मत पाए । एमाले बिराटनगर महानगरपालिकाको ९ वटा वडा जितेको छ भने नेपाली कांग्रेसले ६ वटा वडा र जसपाले २ वटा वडा जितेका छन् ।
