कार्तिक १०, २०८३ / 2026-10-25
काठमाडौं महानगरपालिकाका मेयर बालेन्द्र साह (बालेन) ले सडक, विद्युत, टेलिकम र खानेपानीको कामको अनुगमन महानगरले गर्न पाउनुपर्ने माग गरेका छन ।
महानगरपालिकाको दोस्रो कार्यपालिका बैठकमा बोल्दै उनले यो कुरा बताएका हुन । सडक विभाग, विद्युत प्राधिकरण, टेलिकम र खानेपानी विभागसँग समन्वय गरेर काम गर्ने विषयमा छलफल भइरहेको समेत बताए । उनले आफूले सडक, विद्युत, टेलिकम र खानेपानीका प्रमुखहरूसँग एक चरण छलफल गरिसकेको समेत जनाएका छन । उनले प्रत्येक महिनाको पहिलो सोमबार उनीहरूसँग छलफल गर्ने सहमति समेत भएको बताउनुभयो तथा सडक, विद्युत, टेलिकम र खानेपानीले महानगरपालिका भित्र गर्ने प्रत्येक कामको अनुगमन पनि महानगरले गर्न पाउनुपर्ने मेयर साहले माग गरेका छन ।
त्यस्तै उनले फोहोर कुहिने र नकुहिने गरी छुट्याएर उठाउन थालेलगत्तै कम्पोस्ट मल उत्पादन पनि थाल्नु पर्ने भएकाले बञ्चरेडाँडास्थित ल्याण्डफिल साइटको एउटा सेक्सनमा कम्पोस्ट मलको कारखाना सञ्चालन गर्ने विषयमा छलफल भइरहेको समेत जानकारी दिए । त्यसैगरी ल्याण्डफिल साइटमा जीवजन्तु र पर्यावरणमा असर नपुगोस भनेर दुर्गन्ध हटाउन जैविक रसायन प्रयोग गर्ने बताए ।
त्यस्तै फोहोरलाई कुहिने र नकुहिने गरी छुट्याएपछि फोहोर बापत तिर्नुपर्ने शुल्क पनि घट्नुपर्ने माग पनि वडाध्यक्षहरुको गरेका छन् ।
