कार्तिक १०, २०८३ / 2026-10-25
काठमाडौं । कर्णाली प्रदेशका मुख्यमन्त्री महेन्द्रबहादुर शाही नेतृत्वको सरकारमा रहेका सामाजिक विकास मन्त्री दल रावल, आर्थिक मामिला तथा योजनामन्त्री प्रकाश ज्वाला र उद्योग,पर्यटन,वन तथा वातावरण मन्त्री नन्दसिंह बुढाले आज सामूहिक राजीनामा दिने तयारी भएका छन् ।
संसदीय दलको बैठक एक बजे बस्नु अघि उनीहरुले राजीनामा दिने भएका मन्त्री रावलले बताए । आइतबार बसेको कर्णाली प्रदेश एमाले संसदीय दलको बैठकले सरकारलाई दिएको समर्थन फिर्ता लिएपछि आफ्ना मन्त्रीहरुलाई फिर्ता हुन निर्देशन दिएको थियो ।
एमाले र माओवादी केन्द्र नेकपा बदर हुँदै व्यूँतिएपछि कर्णाली प्रदेशको सरकार ढल्ने अवस्थामा पुगेको छ । ४० सदस्य रहेको कर्णाली प्रदेशसभामा २१ सदस्य बहुमत हुन्छ । एमालेको २० सिट रहँदा माओवादी केन्द्रसँग १३ सिट मात्र छ । भने एमाले सरकारबाट बाहिरिएसँगै मुख्यमन्त्री महेन्द्रबहादुर शाहीको सरकार संकटमा रहेको छ ।
