कार्तिक ९, २०८३ / 2026-10-24
प्रमुख प्रतिपक्षी दल नेकपा (एमाले)का सांसद भीम रावलले एसपीपी सम्झौता नगर्ने पत्र पठाउन सरकारलाई रुलिङको माग गर्दै रोस्ट्रम नछाडेपछि प्रतिनिधि सभाको बैठक प्रभावित भएको छ ।
प्रतिनिधि सभाको बुधबारको बैठकमा एसपीपी सम्झौतामा सहभागी नहुने पत्र पठाउन सरकारलाई रुलिङकोमा माग गर्दै रोस्ट्रम नछाडेपछि बैठक प्रभावित भएको हो ।
बैठकमा सभामुखको अध्यक्षता गरेकी सत्या पहाडीले ध्यानाकर्षण भएको र पटकपटक बस्न अनुरोध गर्दा पनि रावलले भने रुलिङ नभएसम्म रोस्ट्रम नछाड्ने अडान राखेका थिए ।
सो क्रममा केही सांसदहरूले आपत्ति पनि जनाएका थिए । त्यसलगतै सभामुख अग्नि सापकोटा आएर रावलले उठाएको विषयमा ध्यानाकर्षण भएको बताएको विषयान्तर नगर्न आग्रह गरे । तर रावलले एसपीपी सम्झौतामा सहभागी नहुनेबारे अमेरिकालाई पत्र लेख्नुपर्ने दोहोर्याए ।
त्यसपछि सभामुख सापकोटाले केही बेरका लागि संसद् बैठक स्थगित नै गरेका थिए । १५ मिनेट स्थगीत भएर सुरु भएको बैठक भने सहज रुपमा अघि बढेको थियो ।
