कार्तिक ९, २०८३ / 2026-10-24
काठमाडौंः बैशाखमा दुई चरणको चुनाव गर्ने प्रधानमन्त्रीको सिफारिशलाई फागुन ११ गते सर्वोच्च अदालतले रद्ध गरेपछि पुनः अर्को चुनावको तयारी गर्न थालिएको छ ।
अविश्वासको प्रस्ताव आउन नसक्ने,आए पनि पारित नहुने र आफैँले विश्वासको मत लिन चाहेमा धरमरको अवस्था भएकाले त्यसैलाई प्रयोग गरी प्रधानमन्त्री पुनः निर्वाचन गराउने सोचमा पुगेको बताइएको छ । स्रोतका अनुसार मंसिर ६ र १७ को गते दुई चरणको निर्वाचन गर्ने योजना बनाएसंगै चुनाव गराउने प्रचार समेत हुन थालेको छ ।
बालुवाटारले गरेको उक्त कार्यको विश्लेषणमा ओलीले विश्वासको मत लिने क्रममा वरिष्ठ नेता माधवकुमार नेपाल समूहले नियम उल्लंघन गर्ने ठोकुवा गरेका छन् । त्यसो भएपछि स्वतः विश्वासको मत फेल हुनेछ । अर्कोतर्फ स्वयम नेपाललगायत चार जना नेताहरूलाई मतदानबाट वञ्चित गराउने तयारी भइरहेको छ ।
यता, प्रदेश सरकारमा आइरहेको हलचललाई राजनीतिक वृत्तमा बृहत् लोकतान्त्रिक मोर्चाबन्दीसँग जोडेर हेर्न थालिएको छ ।
