कार्तिक १०, २०८३ / 2026-10-25
आगामि मंसिर ४ गते हुने प्रदेश तथा प्रतिनिधिसभाको निर्वाचनका लागि लोकतान्त्रिक समाजवादी पार्टीका अध्यक्ष महन्थ ठाकुर आफ्नो प्रचारप्रसारलाई निरन्तरता दिईरहेका छन् । यसैक्रममा बुधबार उनी आफ्नो जन्मथलो पुग्दा लोसपाको पक्षमा जनसागर नै उर्लिएको छ ।
बुधबार उनले आफ्नो जन्मथलो महोत्तरी पिपरा गाउँपालीका वडा नं-१ एकरहिया,खैरवा ,गम्हरिया ,ढेकहा मा घरदैलो गरेका छन् । दुई हजार भन्दा बढीको संख्यामा रहेको घरदैलो कार्यक्रमका क्रममा स्थानीयवासीले आफ्नो घरको अगाडी स्वागत गरेका थिए । स्थानीयवासीले लोसपा उम्मेदवार ठाकुरलाई स्वागत गर्दै माला, खादा तथा अविर लगाई स्वागत गरेका थिए र अग्रिम विजयको शुभकामना व्यक्त गरेका थिए ।
स्थानीयवासीको उत्साहलाई हेर्दा घरदैलो जस्तो नभई विजय उत्सव जस्तै बनेको थियो । घरदैलो कार्यक्रमका स्थानीयवासीले गीतहरु गाउँदै नाचगान समेत गरेका थिए । लोसपा उम्मेदवारलाई विजयको घोषणा गर्न मात्र बाँकी रहेको स्थानीयवासीले बताए ।
स्वागतलाई ग्रहण गर्दै लोसपा उम्मेदवार ठाकुरले जनताको स्वागत र आशिर्वादले विजयी निश्चित रुपमा हुने बताउँदै विजयी भएपछि जनताको चाहना पुरा गर्न र त्यहाँको विकास र समृद्धिमा लाग्ने प्रतिवद्धता जनाएका थिए ।
