कार्तिक १०, २०८३ / 2026-10-25
काठमाडौं: नेपाली कांग्रेसका महामन्त्री गगन थापा नेता कृष्णप्रसाद सिटौलालाई भेट गर्न उनकै निवास पुगेका छन् । पार्टीको १४औं महाधिवेशनमा महामन्त्रीमा निर्वाचित भएका थापा मंगलबार सिटौला निवास पुगेका हुन् । थापाले नेता सिटौलासँग भेट गरी आशीर्वाद मागेका छन् ।
थापाले आशीर्वाद मागेपछि सिटौलाले पार्टीलाई एकढिक्का बनाएर लैजान सुझाव दिएका छन् । भेटमा सिटौलाले विगतका तितामिठा कुरा बिर्सेर काम गर्न सल्लाह दिएको एक नेताले बताए ।
कांग्रेसको १३औं महाधिवेशनमा थापा र सिटौला एउटै समूहमा थिए । सिटौला सभापति र थापा महामन्त्रीका उम्मेदवार थिए । तर दुवै जना पराजित भएका थिए । पनि थापा रामचन्द्र पौडेल समूहमा लागेका थिए । १४औं महाधिवेशनमा थापा डा.शेखर कोइराला समूहबाट महामन्त्रीमा उम्मेदवारी दिए ।
