जेठ ३१, २०८३ / 2026-06-13
काठमाडौंः सरकारले आगामी मङ्सिर ४ गते प्रदेशसभा तथा प्रतिनिधिसभाको निर्वाचन घोषणा गरेसँगै देशभर चुनावी माहोल बढेको छ । योसँगै विभिन्न दलका उम्मेदवार चयन , चुनाव क्षेत्र तथा जित–हारको सम्भावित र प्रतिस्पर्धीहरूका बारेमा पनि लेखाजोखा हुन थालेको छ ।
यसैगरी महोत्तरी क्षेत्र ३ बाट प्रतिनिधिसभा निर्वाचनकाका लागि लोकतान्त्रिक समाजवादी पार्टी (लोसपा) का अध्यक्ष महन्थ ठाकुर चुनाव लड्ने भएका छन । अध्यक्ष ठाकुर ७४ को संसदीय निर्वाचनमा महोत्तरी क्षेत्र नम्बर ३ बाट १८ हजार बढी मतान्तरले विजयी भएका थिए । तत्कालीन राष्ट्रिय जनता पार्टी (राजपा) बाट ठाकुर २६ हजार ८४५ मत ल्याएर निर्वाचित हुँदा उनका निकटम प्रतिद्वन्द्वी नेकपा एमालेका विजय चौधरीले ८ हजार ६७६ मत पाएका थिए ।
यस पटक पनि उनी महोत्तरी क्षेत्र ३ बाट नै लड्ने निश्चित गरेका हुन । ठाकुर मधेश प्रदेशमा रहि त्यहाँका जनताहरुबिच उनले आफ्नो स्थान पक्का गरिसकेको र पहिले देखिनै आफ्नो पकड जिल्ला भएका कारण उनले महोतरी ३ बाट नै लडेने निर्णय गरेका छन ।
यसअघिको निर्वाचनमा ठाकुरलाई उपेन्द्र यादव नेतृत्वको तत्कालीन संघीय समाजवादी फोरम, नेपाली कांग्रेस र माओवादीले सहयोग गरेको थियो । तर यस पटक भने ठाकुर सत्ता गठबन्धनमा प्रवेश खोज्दै छन् । यो छलफलकै चरणमा रहेको छ । यदि गठबन्धनमा प्रवेश नभए पनि एक्लै चुनावमा लड्ने निर्णय गरेको लोसपाका एक नेताले पोलिटिक्स नेपाललाई बताए ।
