काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल ‘प्रचण्ड’ का लागि वार्ताका ढोका खुल्ला रहेको नेता देवेन्द्र पौडेलले बताएका छन्।
नेपाल कम्युनिस्ट पार्टी ब्युँतिएपछि प्रचण्ड स्वतन्त्र बनेको दाबी गरे। हिजोसम्म प्रचण्डलाई उकुसमुकुस भएको थियो। पार्टीभित्र पूर्वएमालेको एक पक्षको साथ थियो र अर्को पक्षसँग वार्ता गर्न नसक्ने अवस्था सिर्जना भएको थियो । नेता पौडेलले भने।
सर्वोच्च अदालतको फैसलाले नेकपा एमाले र माओवादी केन्द्र ब्युँतिएपछि प्रचण्ड कमजोर भए भन्ने हल्ला चलाइएको आरोप बारे उनले थप स्पष्ट पारे । उनले भने प्रचण्ड कमजोर नभएर स्वतन्त्र भएको माओवादी केन्द्रले महसुस गरेको छ। माओवादी केन्द्रले नेपाली कांग्रेस र जनता समाजवादी पार्टी नेपालसँग सरकार निर्माणका लागि छलफल गरिरहेको जानकारी गराए ।
नेता पौडेलले भने, परिस्थिति बलियो हुने बित्तिकै सरकारलाई दिएको समर्थन फिर्ता हुन सक्छ वा अविश्वासको प्रस्ताव लैजान्छौं ।
नेकपा एमालेका नेता माधवकुमार नेपाल र झलनाथ खनालले ओलीको प्रतिगामी व्यवहारविरुद्ध पार्टी भित्र लडे भने उनीहरूसँग थप सहकार्य गर्ने पौडेलले बताए ।
जेठ ३१, २०८३ / 2026-06-13
