कार्तिक १०, २०८३ / 2026-10-25
काठमाडौँ, प्रख्यात उद्योगपति तथा चौधरी ग्रुपद्मका प्रबन्ध निर्देशक वरुण चौधरीले नेपाल र मध्य एसियाबीचको कूटनीतिक र आर्थिक सम्बन्धलाई सुदृढ गर्न महत्वपूर्ण भूमिका निर्वाह गरेका छन् ।
नेपालमा काजाकिस्तान गणतन्त्रका अवैतनिक वाणिज्य दूत पनि रहेका प्रबन्ध निर्देशक चौधरीको दूरगामी प्रभाव भारतका लागि काजाकिस्तानका राजदूत महामहिम नुरलान झाल्गासबायेभको जनवरी १३ र १६ बीचमा काठमाडौंमा भएको भर्खरैको भ्रमणमा पनि देखिएको थियो ।
चौधरीको निमन्त्रणामा महामहिम झाल्गासबायेभले नेपाल भ्रमण गरेका थिए । उनको भ्रमण मुख्यतया द्विपक्षीय र बहुपक्षीय राजनीतिक सहयोगको वरिपरि केन्द्रित थियो । चौधरीको प्रयासले कजाकिस्तान र नेपालका परराष्ट्र मन्त्रालयहरूबीचको राजनीतिक परामर्शको स्थापनालाई समेटेर विस्तृत द्विपक्षीय सम्झौताको मस्यौदा तयार गर्ने निर्णय भयो । प्रबन्ध निर्देशक चौधरीकै पहलमा काजाकिस्तानमा कूटनीतिक, अध्ययन, रोजगारी, पर्यटन र अन्य उद्देश्यहरू खोज्ने, राहदानी धारकहरूलाई भिसा छुटका प्रावधानहरू पनि समावेश गरिएको थियो ।
प्रबन्ध निर्देशक चौधरीकै पहलमा दुवै देशले व्यापार, संरक्षण र द्विपक्षीय लगानी प्रवद्र्धनमा केन्द्रित सम्झौतामा हस्ताक्षर गर्ने सम्भावना पनि खोजिरहेका छन् । कजाकस्तान दूतावासले आफ्नो वेबसाइटमार्फत जलविद्युत्, कृषि, सूचना प्रविधि र विद्युतीय सरकारी सेवाहरू जस्ता नेपालको विकासका लागि महत्वपूर्ण विभिन्न क्षेत्रहरूमा सहकार्य गर्न साझा प्रतिबद्धता जनाएको छ । प्रबन्ध निर्देशक चौधरीले दुई देशबीचको सहकार्यबाट धेरै क्षेत्रमा लाभ मिल्ने आशा व्यक्त गरेका छन् । उनले व्यापार, अर्थतन्त्र, यातायात, सञ्चार र दोहोरो कर छुटलगायत द्विपक्षीय लगानी प्रवद्र्धन जस्ता विभिन्न क्षेत्रहरूसँग सम्बन्धित चुनौतीहरू सम्बोधन गर्न सामूहिक प्रयासको महत्त्वलाई जोड दिएका छन् ।
नेपालको अग्रणी औद्योगिक घराना चौधरी समूहले काजाकिस्तानमा अध्ययन, रोजगारी, व्यवसाय र अन्य उद्देश्यका अवसर खोज्ने नेपाली नागरिकहरूको लागि सुव्यवस्थित प्रक्रियाको आवश्यकतालाई जोड दिएको छ ।
